វចនានុក្រម.

ខ្មែរកម្ពុជាក្រោម

(ម.ព. ខ្មែរក្រោម)។

ខ្មែរក្រហម

ក្រុមខ្មែរឆ្វេងនិយម (អ្នកមាននិន្នាការកុម្មុយនីស្ត) ដែលសម្ដេចព្រះនរោត្តម សីហនុ បានហៅនៅចុងទសវត្សរ៍ទី៦នៃសតវត្សរ៍ទី២០:

ខ្មែរក្រោម

ជនជាតិខ្មែររស់នៅខេត្តមួយចំនួនភាគខាងត្បូងនៃប្រទេសវៀតណាម ដែលពីដើមជាទឹកដីរបស់ខ្មែរ :

ខ្មែរវៀតមិញ

ចលនាតស៊ូខ្មែរមាននិន្នាការកុម្មុយនីស្តនិងចលនាខ្មែរឥស្សរៈនានា ដែលមានសម្ព័ន្ធភាពជាមួយចលនាតស៊ូវៀតមិញ ក្នុងការទាមទារឯករាជ្យពីបារាំង។

ខ្មែរសេរី

ចលនាតស៊ូមួយដែលលេចឡើងតាំងពីខែមីនា ឆ្នាំ១៩៥២ដោយគេមានឈ្មោះថា ចលនាប្រជាជនសេរី ហើយបានដូរឈ្មោះថា ខ្មែរសេរី នៅក្រោយឆ្នាំ១៩៥៥។

ខ្មែរឥស្សរៈ

បុគ្គលឬក្រុមដែលបានកាន់អាវុធប្រឆាំងនឹងបារាំង ក្នុងការតស៊ូដើម្បីឯករាជ្យពីឆ្នាំ១៩៤៥ដល់ឆ្នាំ១៩៥៣ហើយក្រុមទាំងនោះមាននិន្នាការនយោបាយនិងមនោគមវិជ្ជាផ្សេងៗពីគ្នា។

ខ្មោច

អមនុស្ស ឬ រូបមនុស្ស រូបសត្វដែលអស់ជីវិត :

ខ្មោះ

ដែលមានក្លិនស្អុយលាយប្រៃផង នាំបណ្ដាលឱ្យតឹងច្រមុះ, ឱ្យខារកន្លើត :

ខ្មោះខ្មួរ

ដែលមានក្លិនខ្មោះនិងខ្មួរលាយគ្នា :

ខ្មៅ

ដែលមានពណ៌ងងឹតឬពណ៌ដូចធ្យូង។

ខ្មៅដៃ

ឧបករណ៍សម្រាប់សរសេរដែលផ្សំពីឈើមានបណ្ដូលជាថ្មម្សៅព័ណ៌, ថ្មម្សៅព័ណ៌សម្រាប់សរសេរលើក្រដាស, សម្រាប់ដឹក, គូស, វាស, គូរ...។

ខ្យង

ឈ្មោះសត្វសន្តាននឹងស័ង្ខ សម្បកសន្តានខ្ចៅតែរូបធំជាងខ្ចៅជាងគ្រែង ខ្លះមានពុកមាត់, ខ្លះគូទស្រួច, ខ្លះទាល; គូទស្រួចហៅ ខ្យងគូទស្រួច, គូទទាលហៅថា ខ្យងគូទទាល, មានទឹកជាលំនៅខ្លះ, នៅលើគោកខ្លះ។ ស្រុកខ្លះហៅ ខ្ចង ព្រោះគេយល់ថាគូនឹងខ្ចៅ, គេនិយាយថា ខ្ចងខ្ចៅ, ប៉ុន្តែតាមពិត ខ្យងនេះប្រើមកយូរណាស់ហើយ។

ខ្យល់

wind

សភាវៈដែលបក់, ដែលផាត់ទៅមកតាមធម្មតាលោក គឺរំជួលអាកាស។ ពាក្យនេះស្រុកខ្លះហៅ ខ្ចរ (អ.ថ. ខ្ចល់)។ បើហៅដូច្នេះ ដូចជាមានន័យសមដែរ ព្រោះមកពីភាសា សំ.បា. "ខចរ ប្រែថា សភាវៈ ឬដំណើរទៅតាមអាកាស " ប៉ុន្តែយើងកែឱ្យហៅ ខ្ចរ វិញពុំកើតទេ ព្រោះយើងប្រើជា ខ្យល់ មកយូរហើយ។

ខ្យល់កន្ត្រាក់

(ភូមិ.) សម្ទុះខ្យល់ដែលមានកម្លាំងខ្លាំងនិងមានល្បឿនលឿនបក់កញ្ឆក់ភ្លាមៗតែក្នុងរយៈពេលខ្លី :

ខ្យល់គរ

ខ្យល់ចាប់ធ្ងន់បាត់ស្មារតីដូចមនុស្សស្លាប់។

ខ្យល់ចាប់

ធាតុក្នុងខ្លួនមិនស្រួលស្លាក់ខ្យល់រត់មិនសព្វនាំឱ្យវិលមុខបែកញើស ត្រជាក់ខ្លួន។

ខ្យាដំរី

ឈ្មោះសត្វមានពិសមួយប្រភេទ សន្តានខ្ទួយ តែធំជាងខ្ទួយ សម្បុរខ្មៅ មានតង្កៀប កន្ទុយវែងមានទ្រនិច។

ខ្យូស

តូបសម្រាប់លក់ឬសម្រាកលម្ហែកាយនិងបរិភោគអាហារជាដើម :