វចនានុក្រម.

ចងសីមា

សូត្របាលីចងឱ្យកើតបានជាសីមារបស់សង្ឃ (ព.វិ.)។

ចងសំរោង

ឈ្មោះពិធីមួយប្រភេទ ជាឧបកិច្ចឱ្យស្រីមានគ័ភ៌តាំងនៅល្អ គឺឱ្យប្រកបដោយសួស្ដីសិរីសុខ (ទំនៀមក្សត្រិយ៍) :

ចងស្ពានមេត្រី

(ម.ព. ចងពន្ធ)។

ចង់

to want

ប៉ង, នឹកភ្នកដោយមានបំណង, ប្រាថ្នា, ត្រូវការ :

ចង្កា

សរីរាវយវៈត្រង់ខាងក្រោមមាត់ :

ចង្កាក់

បន្ទោះឫស្សី ឬឈើស្រួច សម្រាប់ដោត, ជ្រនួចត្រី, សាច់ ឬ ផ្លែចេកជាដើម ដើម្បីហាល, ឆ្អើរ, អាំង។

ចង្កឹះ

ប្រដាប់សម្រាប់ឆ្កឹះ, ថ្កៀប ឬ ចាប់អាហារបរិភោគ :

ចង្កឹះលេខ

គ្រឿងបញ្ជាសម្រាប់ប្ដូរលេខនៃម៉ាស៊ីនយានយន្ត :

ចង្កុលណី

ឈ្មោះវារិជជាតិមួយប្រភេទ ពួកឈូក, មានកេសរផ្កាច្រើនស្រទាប់, ផ្កាបែកជាខ្នែងតពីគ្នាជាបី ឬជាបួនទៅទៀតក៏មាន។

ចង្កូត

គ្រឿងប្រដាប់សម្រាប់ឆ្កូតកាច់បំបែរតម្រង់នាវា និងរថយន្តជាដើម :

ចង្កូម

ធ្មេញដែលដុះត្រង់ទីបំផុតនៃធ្មេញឯទៀត (ជិតបន្ទាប់ថ្គាម) ស្រួចជាងធ្មេញឯទៀត :

ចង្កូមស្កា

រុក្ខជាតិមួយប្រភេទ ដើមតូច ស្លឹកមូលជម មានបន្លាតូចវែងៗ ស្លឹកប្រើជាបន្លែស្លកកូរបាន។

ចង្កួយ

រំពាស់, ចុង ដូចយ៉ាងរំពាស់ធ្នូ ឬចុងស្មា ចុងកែងដៃ ជាដើម :

ចង្កៀង

និយាយបញ្ឆិតបញ្ឆៀងលូកនាយលូកអាយញយៗដោយទទូច ដើម្បីឱ្យអ្នកស្ដាប់ចុះសម្រុងតាមខ្លួន ប្រដូចនឹងគេកៀងសត្វឱ្យមូល ឬ ឱ្យចូលកាន់ទីតាមបំណងខ្លួន, :

ចង្កៀល

ប្រដាប់សម្រាប់ឆ្កៀល :

ចង្កៀលខ្យង

ឈ្មោះសត្វស្លាប មានចំពុះវែងកោងខុប តែងរកស៊ីក្នុងវាលស្រែ ក្នុងបឹងស្រែជាដើម។

ចង្កៀស

ប្រដាប់សម្រាប់ឆ្កៀស :

ចង្កេះ

ប៉ែករូបកាយនៅចុងឆ្អឹងជំនីរលើត្រគាក។ ប៉ែកនៅពាក់កណ្ដាលវត្ថុខ្លះ ក៏ហៅ ចង្កេះ បាន :