វចនានុក្រម.

ចុះបញ្ជី

កត់ត្រាអ្វីមួយចូលក្នុងបញ្ជី :

ចុះប្រេង

និយាយអំពីដំរីស្ដ ឬភ្លុក ដែលឡើងខ្លួនពេញទំហំ ស្រវឹងដោយកាមារម្មណ៍ ចេញប្រេងត្រង់ខួចនៅកៀនត្រចៀក បណ្ដាលឱ្យកាចងងុល ឥតកោតខ្លាចទម័ក :

ចុះសម្រុង

ស្រុះស្រួលគ្នា ត្រូវរ៉ូវគ្នា នៅចុះជាមួយគ្នា :

ចុះឡើង

ធ្វើដំណើរត្រឡប់ទៅនិងត្រឡប់មកញយៗ :

ចូក

កោយយកដោយចបជីក ឬប៉ែលជាដើម :

ចូកកំពឹស

ឈ្មោះបទភ្លេងនិងចង្វាក់រាំមួយបែបក្លាយមកពីរបាំជនជាតិភាគតិច។

ចូរ

ធ្វើឱ្យមានស្នាមដោយឆូត ឬ គូសនឹងដែក នឹងក្រចកជាដើម។

ចូល

ទីទៃពីចេញ គឺទៅពីខាងក្រៅកាន់ខាងក្នុង :

ចូលកង

(ព.សា.) បើកបវេសនកាល :

ចូលខ្យល់

ខូចគុណភាព (សម្រាប់ម្ហូបឬផ្លែឈើ) :

ចូលខ្លួន

បង្ហាញខ្លួន បង្ហាញមុខដើម្បីដោះស្រាយបញ្ហាអ្វីមួយ :

ចូលចិត្ត

to like

ពេញចិត្ត ស្រឡាញ់ ត្រូវចិត្ត គាប់ចិត្ត :

ចូលឆ្នាំ

វេលាឆ្លងទៅកាន់ឆ្នាំថ្មី ដែលតែងមានប្រារព្ធពិធីបុណ្យជាប្រពៃណីផង :

ចូលបុណ្យ

រួមចំណែក ចែករំលែកប្រាក់កាសឬវត្ថុផ្សេងៗ ដើម្បីកសាង ឧបត្ថម្ភ សង្គ្រោះជាប្រយោជន៍សាធារណៈ ឬដល់បុគ្គលណាមួយ :

ចូលរួម

រួមចំណែក គាំទ្រ រួបរួម, មានវត្តមានក្នុងកម្មវិធីឬកិច្ចអ្វីមួយ :

ចូឡពន

ព្រៃតូច (ឈ្មោះកណ្ឌទី ៦ក្នុងរឿងមហាវេស្សន្តរជាតកគឺ មហាជាតក៍កណ្ឌចូឡពន)។

ចូឡា

ជុក, កំប៉ោយ, ផ្នួង។

ចូឡាមណី

ឈ្មោះព្រះចេតិយ មួយនៅឋានត្រៃត្រិង្ស ជាទីបញ្ចុះព្រះកេសាព្រមទាំងស្នៀតព្រះកេស (ពិន) នៃព្រះសក្យមុនីសម្មាសម្ពុទ្ធ; ហៅឱ្យពេញថា ព្រះចូឡាមណីចេតិយ នៅឋានត្រ័យត្រិង្ស។