វចនានុក្រម.

និមិត្តហេតុ

ហេតុជាគ្រឿងចំណាំឬសម្គាល់។ សព្វថ្ងៃប្រើពាក្យនេះសំដៅយកអាការៈនៃរោគឬប្រភេទនៃជំងឺ ដែលនាំឱ្យដឹងបានដោយគ្រឿងសម្គាល់ផ្សេងៗ :

និមុត្តិ

ការដោះលែង, ការឱ្យរួចខ្លួន, ការឱ្យរួចស្រឡះ។

និមុត្តិកិច្ច

ការសងបំណុល, ការបង់ប្រាក់។

និមុត្តិធានា

ការអនុញ្ញាតឱ្យទំនិញអាចបន្តការដឹកជញ្ជូនទៅមុខទៀត។

និមូលវិចារណ៍

ការធ្លាក់ចុះពីតម្លៃដើម។

និម្មល

(ម.ព. និមល)។

និម្មានរតី

ឈ្មោះស្ថានសួគ៌ក្នុងឆកាមាវចរជាន់ទីប្រាំ។

និម្មាបនកម្ម

អំពើឬការបង្កើតអ្វីៗដោយឫទ្ធិ។ សិល្បៈផ្នែកខាងការសាង ឬតាក់តែងនូវវត្ថុផ្សេងៗឱ្យបានល្អឆើតឆាយដូចជានិម្មិត :

និម្មាបនិក

អ្នកធ្វើឬបង្កើតអ្វីៗដោយឫទ្ធិ។ អ្នកកាន់កាប់មុខការខាងកសាងលំអតាក់តែង ...។

និម្មិត

បង្កើតដោយឫទ្ធិ កាឡាខ្លួន ដំណែងខ្លួន :

និម្មិតកម្ម

(អ.សិ.) ការបង្កើតស្នាដៃអក្សរសិល្ប៍ សិល្បៈ ដោយសំយោគរវាងអនុកម្ម និងនវកម្ម :

និយតមិច្ឆាទិដ្ឋិ

សេចក្ដីប្រកាន់ខុសថាទៀង គឺយល់ឃើញខុសថាមនុស្សសត្វទាំងអស់ កាលបើស្លាប់ទៅ, ធ្លាប់កើតជាជាតិអ្វី ក៏មកកើតជាជាតិនោះទៀត (ទិដ្ឋិនេះតាមពុទ្ធសាសនាថាមានទោសធ្ងន់)។

និយម

កំណត់, អនុលោមតាម។

និយាម

ស្តង់ដាឬគំរូដែលគេស្គាល់ជាទូទៅ ដូចជានិយាមច្បាប់ជាដើម, ស្តង់ដាឬកម្រិតវាស់អាកប្បកិរិយាឬបំណិនដែលគេទទួលស្គាល់ជាទូទៅនៅក្នុងសហគមន៍ឬសង្គមមួយ :

និយាមកា

ចំនួនតួលេខជាមុំឬជាបន្ទាត់ ដែលកំណត់អំពីទីតាំងរបស់ចំណុចនីមួយៗនៅក្នុងបណ្ដាញឬប្រព័ន្ធកំណត់មួយ។

និយាយ

to speak

នាំសម្ដីចេញ គឺពោលពាក្យ, ស្ដី, ថា :

និយោជក

អ្នកដឹកនាំ, អ្នកបង្គាប់ឬប្រើឱ្យគេធ្វើការផ្សេងៗ។

និយោជិត

អ្នកដែលគេប្រើឱ្យធ្វើការ; កូនឈ្នួល; ភ្នាក់ងារដែលធ្វើការក្រោមបង្គាប់ចៅហ្វាយនាយក្នុងគ្រឹះស្ថានឯកជនឬក្នុងក្រសួងរាជការ :