វចនានុក្រម.

បាប

ដែលលាមក, អាក្រក់, ពុំប្រសើរ :

បាបកម្ម

អំពើអាក្រក់។

បាបគ្រោះ

គ្រោះអាក្រក់, គ្រោះកាច។

បាបចិត្ត

ចិត្តបាប គឺចិត្តលាមក, អាក្រក់។

បាបធម៌

ធម៌លាមក, អាក្រក់ គឺសភាវៈដែលជាជំនួយចិត្ត នាំចិត្តឱ្យហ៊ានធ្វើអំពើអាក្រក់ ដូចយ៉ាងសេចក្ដីច្រណែនឈ្នានីស, ឥតអៀនខ្មាស ឥតរាងរអាទៅរកអំពើអាក្រក់ ជាដើម។

បាបមិត្ត

មិត្រអាក្រក់ គឺមិត្រដែលនាំឱ្យខូចខាតប្រយោជន៍, នាំឱ្យមានសេចក្ដីវិនាសផ្សេងៗ :

បាពួន

ឈ្មោះប្រាសាទថ្មបុរាណមួយនៅក្នុងកំពែងនគរធំ ក្នុងខេត្តសៀមរាប; តាមឈ្មោះដើមថា ហេមាទ្រិ “ភ្នំមាស”។

បាភ្នំ

ឈ្មោះខេត្តមួយក្នុងកម្ពុជរដ្ឋ, សព្វថ្ងៃនេះតាំងជាស្រុក ហៅថា ស្រុកបាភ្នំ នៅក្នុងខេត្តព្រៃវែង។

បាមោក្ខ

ដែលជាប្រធាន, ជាមេ, ជាអ្នកនាំមុខ, ជាអ្នកនាំអាទិ៍ (ប្រើជា ប្រមុខ្យ (ប្រមុខ) ក៏បាន។

បាមោជ្ជ

សេចក្ដីរីករាយ, សេចក្ដីពេញចិត្តខ្លាំង :

បាយ

rice

ភោជនាហារដែលចម្អិនដោយអង្ករស្ងោររំងាស់ហើយសម្រិត ឬសង្កត់យកទឹកចេញរួចផ្ងំឱ្យងំ :

បាយកក

បាយដែលសល់កកនៅក្នុងឆ្នាំង រំលងពេល :

បាយក្ដាំង

បាយដែលក្ដាំងជាប់នៅបាតឆ្នាំង, បាតខ្ទះ មានក្លិនឈ្ងុយ។

បាយក្ដាំងគំទឹក

(ម.ព. បាយគំទឹក)។

បាយក្រញិញ

ឈ្មោះឈើតូចមួយប្រភេទ។

បាយក្រញេញ

(ម.ព. បាយក្រញិញ)។

បាយក្រៀម

បាយដែលហាលស្ងួតក្រៀម។

បាយក្អែក

ក្ដារបណ្ដុះជារាននៅត្រង់កន្សៃទូកធំៗ ឬរានដែលធ្វើនៅត្រង់ពាក់កណ្ដាលដងទង់ធំៗខ្ពស់ៗ។