អាសវ

គ្រឿងត្រាំ; ទឹកតម្រាំ; ទឹកដម; ស្រាត្រាំ គឺសុរាឬមេរ័យកើតពីទឹកអំពៅឬទឹកឃ្មុំ, ទឹកត្នោតជាដើមដែលត្រាំគ្រឿងផ្សំផ្សេងៗ; គ្រឿងជ្រក់, ទឹកជ្រក់; គ្រឿងសៅហ្មង, ហេតុមោះហ្មង; ឧបទ្រព, ចង្រៃ។

(ព.ពុ.) កិលេសជាគ្រឿងត្រាំ គឺកិលេសធម៌ដែលត្រាំនៅក្នុងសន្តាន, មាន ៤យ៉ាងគឺ ១កាម ហៅថា កាមាសវៈ; ២ភព ហៅ ភវាសវៈ; ៣ទិដ្ឋិ ហៅ ទិដ្ឋាសវៈ; ៤អវិជ្ជា ហៅ អវិជ្ជាសវៈ។

កិលេសជាគ្រឿងត្រាំក្នុងសន្តាន។

ការក្ស័យអាសវៈ គឺការអស់អាសវក្កិលេស។

(ម.ព. អាសវក្ខ័យ)។